مرحباً بك زائرنا الكريم .. لك حرية الإستفادة والنشر
Surah الانفطار
Select reciter
Sindhi
Surah الانفطار - Aya count 19
إِذَا السَّمَاءُ انفَطَرَتْ ( 1 ) 
جڏھن آسمان ڦاٽندو.
وَإِذَا الْكَوَاكِبُ انتَثَرَتْ ( 2 )
۽ جڏھن تارا ڇڻي پوندا.
وَإِذَا الْبِحَارُ فُجِّرَتْ ( 3 )
۽ جڏھن سمنڊ تمام جوش سان وھائبا.
وَإِذَا الْقُبُورُ بُعْثِرَتْ ( 4 )
۽ جڏھن قبرون پٽبيون.
عَلِمَتْ نَفْسٌ مَّا قَدَّمَتْ وَأَخَّرَتْ ( 5 )
(تڏھن) سڀڪو شخص اُھو ڄاڻندو جيڪي اڳي موڪليو ھوائين ۽ جيڪي پوئتي ڇڏيو ھوائين.
يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ ( 6 )
اي ماڻھو توکي تنھنجي (انھي) سڳوري پالڻھار کان ڪھڙي شيءَ ٺڳيو؟
الَّذِي خَلَقَكَ فَسَوَّاكَ فَعَدَلَكَ ( 7 )
جنھن توکي پيدا ڪيو پوءِ توکي سنئين لڱين ڪيائين پوءِ توکي برابر ڪيائين.
فِي أَيِّ صُورَةٍ مَّا شَاءَ رَكَّبَكَ ( 8 )
جھڙي صورت ۾ گھريائين (تھڙيءَ ۾) تنھنجو جوڙ جوڙيائين.
كَلَّا بَلْ تُكَذِّبُونَ بِالدِّينِ ( 9 )
ائين نه آھي بلڪ اوھين عملن جي جزا ڏيڻ کي ڪوڙ ڀائيندا آھيو.
وَإِنَّ عَلَيْكُمْ لَحَافِظِينَ ( 10 )
۽ بيشڪ اوھان تي نگھبان (مقرر ٿيل) آھن.
كِرَامًا كَاتِبِينَ ( 11 )
سڳورا لکڻ وارا.
يَعْلَمُونَ مَا تَفْعَلُونَ ( 12 )
جيڪي اوھين ڪندا آھيو سو ڄاڻندا آھن.
إِنَّ الْأَبْرَارَ لَفِي نَعِيمٍ ( 13 )
بيشڪ ڀلارا (بھشت جي) نعمت ۾ ھوندا.
وَإِنَّ الْفُجَّارَ لَفِي جَحِيمٍ ( 14 )
۽ بيشڪ گنھگار دوزخ ۾ ھوندا.
يَصْلَوْنَهَا يَوْمَ الدِّينِ ( 15 )
عملن جي بدلي جي ڏينھن دوزخ ۾ داخل ٿيندا.
وَمَا هُمْ عَنْهَا بِغَائِبِينَ ( 16 )
۽ اُن کان اُھي لڪل نه ھوندا.
وَمَا أَدْرَاكَ مَا يَوْمُ الدِّينِ ( 17 )
۽ ڪنھن سمجھايئي ته عملن جي بدلي جو ڏينھن ڇا آھي؟
ثُمَّ مَا أَدْرَاكَ مَا يَوْمُ الدِّينِ ( 18 )
وري (به چئون ٿا ته) ڪنھن سمجھايئي ته عملن جي بدلي جو ڏينھن ڇا آھي؟
يَوْمَ لَا تَمْلِكُ نَفْسٌ لِّنَفْسٍ شَيْئًا ۖ وَالْأَمْرُ يَوْمَئِذٍ لِّلَّهِ ( 19 )
اُھو ھڪ ڏينھن آھي جو ڪو جيءُ ڪنھن جيءَ کي ڪجھ فائدو پھچائي نه سگھندو، ۽ اُن ڏينھن (ساري) حڪومت خاص الله جي ھوندي.
